ՆԱՏՕ-ի եվրոպական անդամ պետությունների շրջանում արագորեն խորանում է թերահավատությունը Միացյալ Նահանգների դաշնակցային պարտավորությունների նկատմամբ: Եվրոպական մայրաքաղաքներում այլևս չկա նախկին վստահությունը, որ Վաշինգտոնը ճգնաժամային պահին կտրամադրի անվերապահ ռազմական աջակցություն, ներառյալ՝ միջուկային հովանոցի գործարկումը:

Ատլանտյան օվկիանոսի երկու ափերի միջև աճող տարաձայնություններն ու անորոշությունը վերաձևում են եվրոպական անվտանգության ճարտարապետությունը: Ամերիկյան երաշխիքների թուլացումը եվրոպական առաջնորդներին կանգնեցնում է սեփական ռազմական կարողությունները կտրուկ զարգացնելու և ռազմավարական ինքնավարություն ապահովելու հրամայականի առջև: