Լա լիգայի երկրորդ տուրում Մադրիդի «Ռեալը» սեփական հարկի տակ 3-0 հաշվով հաղթեց «Վալյադոլիդին»։

Երկրորդ խաղակեսում մադրիդցիների կազմում գոլերի հեղինակներ դարձան Ֆեդերիկո Վալվերդեն, Բրահիմ Դիասը և Էնդրիկը։

18-ամյա Էնդրիկը «Ռեալի» կազմում պաշտոնական խաղերում նորամուտը նշեց և խփեց առաջին գոլը։

«Արքայական ակումբը» Լա լիգայի նոր մրցաշրջանում տարավ առաջին հաղթանակը և 4 միավորով բարձրացավ երրորդ տեղ, «Վայլադոլիդը» 3 միավորով 8-րդն է։