Ձողացատկի աշխարհի կրկնակի չեմպիոն, աշխարհի ռեկորդակիր Արման Դյուպլանտիսը նվաճեց Փարիզի Խաղերի տիտղոսը՝ պաշտպանելով երեք տարի առաջ Տոկիոյում նվաճած օլիմպիական չեմպիոնին կոչումը։

Փարիզում Արման Դյուպլանտիսը հաղթանակն ապահովեց 6 մետր արդյունքով, հետո էլ սահմանեց օլիմպիական ռեկորդ՝ 6,10 մետր։

Տոկիոյի Խաղերում նա չեմպիոն էր դարձել 6,02 մետր արդյունքով։

Դյուպլանտիսին պատկանող աշխարհի ռեկորդը հավասար է 6,24 մետրի։ Նա այժմ պատվիրել է 6,25 մետր եւ փորձում է բարելավել ռեկորդը։

Արծաթե մեդալը նվաճեց ամերիկացի Սեմ Քենդրիքսը՝ 5,95 մետր։ Բրոնզե մեդալակիրն է հույն Էմանուիլ Կարալիսը՝ 5,90: