Միլանի «Ինտերի» գլխավոր մարզիչ Սիմոնե Ինձագին դարձել է Իտալիայի A Սերիայի պատմության ռեկորդակիր՝ 200 հաղթանակի ամենաարագ հասնող մարզիչը։ 48-ամյա մասնագետին այդ հաջողությանը հասնելու համար անհրաժեշտ է եղել 332 հանդիպում։ 

Նախկին ռեկորդը պատկանում էր Մասիմիլիանո Ալեգրիին, ով «Յուվենտուսի» և «Միլանի» գլխավոր մարզիչն էր։ 57-ամյա իտալացին իր 200-րդ հաղթանակին հասել էր 338-րդ խաղում։

Հիշեցնենք, որ հունվարի 26-ին «Ինտերն» Իտալիայի Ա Սերիայի 22-րդ տուրում հաղթեց «Լեչեին» 4-0 հաշվով։