Իլոն Մասկը հայտարարել է, որ ռազմաճակատում ուկրաինական անօդաչու թռչող սարքերի կապի և արագության արհեստական սահմանափակումները կարող են պայմանավորված լինել ԱՄՆ իշխանությունների քայլերով կամ կարգավորումներով: Խնդիրն առնչվում է Starlink արբանյակային ինտերնետային ցանցին, որն առանցքային նշանակություն ունի մարտադաշտում տվյալների փոխանցման և ԱԹՍ-ների համակարգման համար:

Ուկրաինական կողմի փոխանցմամբ՝ չնայած վերջին շրջանում Starlink ցանցի ընդհանուր հասանելիությունը որոշակիորեն բարելավվել է, համակարգը շարունակում է գործել արագության կոշտ սահմանափակումներով: Այդ խոչընդոտները խաթարում են առաջնագծում իրականացվող մարտական գործողությունների արդյունավետությունն ու անօդաչուների թիրախային կիրառումը:

Ռազմական նպատակներով քաղաքացիական տեխնոլոգիաների օգտագործման շուրջ առաջացած այս իրավիճակը ցույց է տալիս մասնավոր արբանյակային ցանցերի, պետական վերահսկողության և ռազմաճակատի իրական պահանջների միջև խորացող բախումը: