Իրենց հետազոտության ընթացքում գիտնականները  հիմնվել են ավելի վաղ արդեն հայտնի այն փաստին, որ մանկության տարիքում ապրած ուժեղ սթրեսը բարձրացնում է հետագայում հոգեկան շեղումների առաջացման հավանականությունը: Տեղի է ունենում դա այն պատճառով, որ սթրեսի ազդեցության արդյունքում փոխվում է ուղեղի աշխատանքը, որի որոշ  հատվածներ սկսում են քայքայվել: Ըստ այդմ, գիտնականները որոշել էին  ստուգել թե ինչպես է ազդում ուղեղի վրա մեծ քանակությամբ քաղցր ուտելու սովորությունը:

Փորձերը իրականացվել են լաբորատոր առնետների վրա, որի ընթացքում նորածին կենդանիներին  բաժանել են 2 խմբի, որոնցից յուրաքանչյուրն էլ 2-ական ենթախմբի: 1-ին խումը  հետազոտության առաջին 9 օրերի ընթացքում մեծացել է սթրեսային մթնոլորտում, մինչդեռ այդ ընթացքում, 2-րդ խմբի կենդանիները հանգիստ վիճակում են եղել: 2 դեպքերում էլ կենդանիների կեսին ինտենսիվորեն կերակրել են շաքարով, իսկ այդ նույն ընթացքում 2-րդ կեսը ստացել է հավասարակշռված սնունդ:

Հետազոտությունից 15 շաբաթ հետո գիտնականները պարզել են, որ այն առնետները, որոնք սնվել էին շաքարով սակայն չէին ենթարկվել սթրեսի, նրանց մոտ  հիպոկամպը փոխվել է նույն կերպ, ինչպես որ այն առնետների մոտ, որոնց չէին կերակրել շաքարով, սակայն նրանք սթրեսային վիճակում էին եղել:

 

Սակայն հիպոկամպն առավել շատ փոփոխվել էր այն առնետների մոտ, ովքեր օգտագործել էին և շաքար և ենթարկվել էին սթրեսի: Համաձայն հետազոտության առավել առողջ են համարվել այն կենդանիները, որոնք մեծացել են սովորական պայմաններում ու  օգտագործել են սովորական սնունդ:
Ուղեղի փոփոխություն ասելով գիտնականները ի նկատի ունեն սթրեսի հորմոնի՝ կարտիզոլի բավականին բարձր  արտադրությունը: Նրա բարձր մակարդակի դեպքում ոչնչանում են ավելի շատ  նյարդային բջիջներ և դա շարունակվում է այնքան ժամանակ, մինչև  չի առաջանում հիշողության ու ճանաչողական (մտածողական) ֆունկցիանների  խանգարում:

Ստացված արդյունքները թույլ են տալիս գիտնականներին տալ  բոլոր ծնողներին օգտակար խորհուրդ այն մասին, որ հարկավոր է հետևել երեխաների սննդակարգին, հ