Երկրագնդում այսօր ավելի քան 600մլն. մարդ տառապում է ճարպակալմաբ, որը վերջին շրջանում գլոբալ համաճարակի  բնույթ է ձեռք բերում: Սակայն գիտնականները հայտնաբերել են այդ խնդրի դեմ պայքարելու միջոց, որն  իր մեջ ներառում է  սովորական ջրի օգտագործում:

Շատերին հայտնի է, թե  որքան դրական է ջուրն  ազդում մարդու օրգանիզմի վրա: Շատ կարևոր է ամեն օր համալրել օրգանիզմի ջրի պաշարները, որոնք վատնվում են ամենօրյա մի շարք ֆունկցաների կատարման վրա՝ սկսած շնչառությունից  վերջացրած սպորտով:

Եթե օրգանիզմում առկա է  ջրի դեֆիցիտ, ապա սկսվում է ջրազրկման  ու հոգնածության պրոցես, որը շատ վտանգավոր է  օրգանիզմի համար: Գիտնականները խորհուրդ են տալիս  օրական օգտագործել առնվազն 2 լիտր ջուր:

Ինչպես  նշվում է Annals of Family Medicine ամսագրում, ճարպակալմաբ տառապող մարդիկ օգտագործում են շատ քիչ  ջուր: Նման եզրակացության մասնագետները հանգել են  հետազոտելով  տարբեր տարիքային խմբերի ավելի քան 10000 կամավորի:

Հետազոտության հեղինակների կարծիքով, առայժմ դեռևս հստակ հայտնի չէ մարդու քաշի ու հիդրատացիայի միջև առկա կապը, սակայն հստակ հնարավոր է  ասել, որ բավարար քանակությամբ ջրի օգտագործումը կարող է օգնել ազատվել ավելորդ քաշից: