Գերմանացի Կրիստիան Կուկուկը Փարիզի Օլիմպիական խաղերի տիտղոսը ձիասպորտում նվաճել է Մյունխենի «Բավարիայի» 34-ամյա գերմանացի հարձակվող Թոմաս Մյուլերին պատկանող նժույգով, հաղորդում է Bild-ը։

Կրիստիան Կուկուկը հաղթել էր անհատական կոնկուրում՝ լավագույն եռյակում հետ թողնելով շվեյցարացի Սթիվ Գերդային եւ Նիդերլանդների ներկայացուցիչ Մայքլ վան դեր Ֆլյուտենին։ Երեքն էլ վերջնագիծ էին հասել առանց տուգանային միավորի։