Արգենտինայի հավաքականի լեգենդար հարձակվող Դիեգո Մարադոնայի աճյունը պահելու համար երկրի մայրաքաղաք Բուենոս Այրեսում հատուկ դամբարան կկառուցվի, հայտնում է արգենտինական Clarin հրատարակությունը։

Աղբյուրի համաձայն՝ դամբարանը կկառուցվի Պուերտո Մադերո մետրոպոլիայի տարածքում մոտավորապես 2025 թվականին։ Հաղորդվում է, որ դատարանն արդեն հաստատել է Մարադոնայի աճյունը ան Միգելի մունիցիպալիտետի Բելլա Վիստա գերեզմանոցից, որտեղ նա հուղարկավորվել էր, տեղափոխել ապագա դամբարան, որը նախատեսվում է տեղադրել նախագահական պալատի մոտ։

Հիշեցնենք, որ Դիեգո Մարադոնան մահացել է 2020 թվականի նոյեմբերի 25-ին 60 տարեկան հասակում։

1986 թվականի աշխարհի առաջնության հաղթողի մահվան պատճառը սրտի կանգն էր: Մարադոնայի մահվան գործով ութ բուժաշխատողների մեղադրանք է առաջադրվել անզգուշությամբ սպանության մեջ։