ԱՄՆ գործադիր իշխանությունը լայնածավալ քննություն է սկսել Ներկայացուցիչների պալատի դեմոկրատ անդամ Իլհան Օմարի դեմ: Իրավասու մարմինները մանրամասն ուսումնասիրում են տարիներ առաջ նրա կողմից ամերիկյան քաղաքացիություն ստանալու օրինականությունն ու ներկայացված փաստաթղթերի հավաստիությունը:

Հետաքննության նպատակն է հավաքել բավարար ապացույցներ, որոնք հնարավորություն կտան դատական կարգով չեղարկել քաղաքական գործչի քաղաքացիությունը: Քաղաքացիությունից զրկելու դեպքում իշխանությունները մտադիր են սկսել նրան երկրից արտաքսելու գործընթաց:

Ծագումով Սոմալիից Իլհան Օմարը ԱՄՆ Կոնգրեսում ընտրված առաջին մուսուլման կանանցից է և հայտնի է գործող վարչակազմի հանդեպ իր կոշտ քննադատությամբ: Այս քայլը դիտարկվում է որպես ամերիկյան քաղաքական վերնախավում ներգաղթային օրենսդրության և քաղաքական դիմակայության կտրուկ սրման հերթական փուլ: