Այլ
Իմ հոգին թեթևացել է, քանի որ ես իմ մասնագիտական
Լրագրող: Բարև Ձեզ, պարոն Լևոնյան։ Շնորհակալություն, որ համաձայնեցիք մեզ հետ զրուցել։ Սկսենք կիբերհանցագործությունների թեմայից։ Կարո՞ղ եք մի փոքր պատմել, թե ինչու է այս հարցը ձեզ համար այդքան կարևոր։
Արսեն Լևոնյան: Բարև Ձեզ, շնորհակալ եմ հրավերի համար։ Կիբերհանցագործությունների հարցը շատ կարևոր է, հատկապես Հայաստանի համար, քանի որ մենք տեսնում ենք օր օրի մեծ աճ այս տեսակի հանցագործությունների մեջ։ Հայաստանը, լինելով փոքր երկիր, հաճախ դառնում է թիրախ կիբերհանցագործների համար, և մենք ունենք մեծ անհրաժեշտություն բարձրացնել կիբերանվտանգության գիտակցությունը։
Լրագրող: Դուք նշել եք, որ դիմել եք տարբեր կառույցների մեծ միջոցառում կազմակերպելու համար, բայց մերժվել եք։ Կարո՞ղ եք մանրամասնել։
Արսեն Լևոնյան: Այո, ես դիմել եմ մի շարք կառույցների՝ մեծ միջոցառում կազմակերպելու համար, որը կներառի սեմինարներ, ուսումնական ծրագրեր և տեղեկատվական արշավներ։ Ցավոք, շատ կառույցներ մերժել են մեզ։ Նույնիսկ դիմել եմ կրթության և գիտության նախարարություն տիկին Սվաջյանին, բայց նա ևս մերժել է։ Երեկ Հայաստանում բնակվող մեծամասնությունը WhatsApp-ով ստացել են խաբեության առաջարկություններ։ Վստահ եմ, որ այդ հաղորդագրությունները ստացել են նաև ինձ մերժած պաշտոնյաները։
Լրագրող: Հնչում է բավականին դժվար։ Ինչպե՞ս եք նախատեսում շարունակել ձեր ծրագրերը այս մերժումների պայմաններում։
Արսեն Լևոնյան: Չնայած բոլոր դժվարություններին, ես համոզված եմ, որ այս ծրագիրը կարևոր է և պետք է իրականացվի։ Ես ոչ մեկից ֆինանսավորում չեմ խնդրում, և մեր ընկերությունը՝ Friend LLC-ն, պատրաստ է ամբողջությամբ ֆինանսավորել այս նախագիծը։ Մենք արդեն գծագրել ենք ամբողջ ծրագիրը՝ որտեղից սկսել և որտեղ ավարտել, և մենք խորքային հաշվարկել ենք բոլոր արդյունքները և սպասելիքները մեծ հետազոտական աշխատանքների արդյունքում։
Լրագրող: Դա շատ հիասքանչ է։ Կարո՞ղ եք մի փոքր մանրամասնել, թե ինչ միջոցառումներ եք նախատեսում և ինչ արդյունքներ եք ակնկալում։
Արսեն Լևոնյան: Նախատեսում ենք մի շարք միջոցառումներ, ներառյալ ուսումնական սեմինարներ, որտեղ մասնագետները կխոսեն կիբերհանցագործությունների մասին և ինչպես պաշտպանվել դրանցից։ Մենք նաև կստեղծենք հատուկ կայք և բջջային հավելված, որտեղ կտեղադրվեն բոլոր անհրաժեշտ նյութերը։ Բացի այդ, պլանավորում ենք ստեղծել մուլտֆիլմեր երեխաների համար, որոնք կբարձրացնեն նրանց գիտակցությունը կիբերհանցագործությունների մասին։ Արդյունքում, ակնկալում ենք բարձրացնել կիբերանվտանգության մակարդակը Հայաստանում և նվազեցնել կիբերհանցագործությունների թիվը։
Լրագրող: Շատ կարևոր և օգտակար նախաձեռնություն է։ Ինչպե՞ս կարող են մարդիկ մասնակցել կամ աջակցել ձեր նախագծին։
Արսեն Լևոնյան: Մարդիկ կարող են մասնակցել մեր սեմինարներին և միջոցառումներին՝ գրանցվելով մեր կայքում, որը շուտով կգործարկվի։ Բացի այդ, կարող են աջակցել մեր նախագծին սոցիալական ցանցերում՝ տարածելով մեր նյութերը և մասնակցելով մեր արշավներին։
Լրագրող: Շատ շնորհակալ եմ, պարոն Լևոնյան, որ կիսվեցիք ձեր ծրագրերով։ Մաղթում եմ ձեզ հաջողություններ այս կարևոր նախագծում։
Արսեն Լևոնյան: Շնորհակալ եմ ձեզ։ Հաճելի էր զրուցել։ Ավարտելով մեր զրույցը, կցանկանայի նշել մի բան։ Այսօր Հայաստանում հազարավոր մարդիկ կորցնում են իրենց ֆինանսները։ Երեկ Հայաստանում բնակվող մեծամասնությունը WhatsApp-ով ստացել են խաբեության առաջարկներ։ Վստահ եմ, որ այդ հաղորդագրությունները ստացել են նաև ինձ մերժած պաշտոնյաները։
Լրագրող: Դժվար է լսել այդ մասին։ Ինչպիսի՞ մտքեր և զգացմունքներ եք ունենում այս իրավիճակի վերաբերյալ։
Արսեն Լևոնյան: Ես Տիրոջից մի բան եմ խնդրում՝ եթե նա անի ինձ համար, ես ամեն օր խոստանում եմ եկեղեցի գնալ։ Եթե նա այնպես անի, որ բոլոր ինձ մերժած պաշտոնյաները կորցնեն իրենց ամբողջ ֆինանսական միջոցները, այսինքն՝ կիբերհանցագործները ամբողջությամբ թալանեն նրանց, ես ուզում եմ նայել այդ մարդկանց աչքերի մեջ այնպես, ինչպես նրանք նայեցին ու ինձ մերժեցին։ Իմ հոգին թեթևացել է, քանի որ ես իմ մասնագիտական պարտքը կատարել եմ և գնացել եմ այն մարդկանց դուռը իմ երկրի և հայ ժողովրդի համար, որ մենք ամուր մեջք ունենանք, բայց ցավոք, այդ դռները փակ էին ինձ համար։
Լրագրող: Տեսնում եմ, որ շատ մեծ անձնական և մասնագիտական ներշնչում ունեք այս ծրագրի վերաբերյալ։ Ինչպե՞ս եք տրամադրված ապագայի վերաբերյալ։
Արսեն Լևոնյան: Ես ունեմ շատ մեծ խելացի մարդկանց շրջապատ, ովքեր իրենց գործում գիտակ են։ Նրանք ինձ միշտ ակնարկում էին, որ պետական դուռը փակ է քո համար, մի գնա։ Բայց ես չլսեցի։ Վերջին այցից հետո ես շատ հուզված եմ եղել, իմ կյանքում ես նման օր չէի ունեցել։ Զանգել եմ իմ շատ մոտ մեծ ընկերոջը, ով ունենալով կյանքի մեծ փորձ, ինձ կարճ ժամանակում կարողացավ հետ բերել իրականություն։ Այսօր ես շփվում եմ բոլորի հետ, ովքեր ուզում են իմ հետ շփվել։ Ես շատ ազատ եմ։ Եթե առաջ ինչ-որ բանից կարող էի նեղվել, հիմա ավելի ուժեղ եմ, քանի որ տարիները ինձ շատ բան սովորեցրին։ Նաեւ ես ունեմ ուժեղ ինտուիցիա, որը երբեք չէր դավաճանել, բայց ես նրան դավաճանեցի։ Այն ինձ օգնում է զգալ դեռ չեղած իրադարձությունները։ Այդ ինտուիցիան ես զարգացրել եմ դեռ մանկուց, բայց երբեք չեմ խոսել այս մասին։