Մահացել է Եղիսաբեթ II թագուհին

Մեծ Բրիտանիայի թագուհի Եղիսաբեթ II-ը մահացել է 97 տարեկան հասակում, հայտարարել է Բուքինգհեմյան պալատը։
«Թագուհին խաղաղությամբ մահացել է Բալմորալ ամրոցում այսօր կեսօրին»,- ասվում է հայտարարության մեջ։
Հինգշաբթի Բուքինգհեմյան պալատը հայտնել է, որ բժիշկները անհանգստացած են Եղիսաբեթ II-ի առողջական վիճակով և խորհուրդ են տվել, որ նա գտնվի բժիշկների հսկողության տակ: Ավելի ուշ նրա բոլոր երեխաները եկան թագուհու մոտ։

Եղիսաբեթ II-ը՝ թագավոր Ջորջ VI-ի և լեդի Էլիզաբեթ Բոուս-Լիոնի ավագ դուստրը, ծնվել է 1926 թվականի ապրիլի 21-ին Լոնդոնում։ 1936 թվականին, հոր գահ բարձրանալուց հետո, Էլիզաբեթը դարձավ բրիտանական թագի ժառանգորդը։ Նա կրթություն է ստացել տանը, իսկ 1945 թվականին ընդունվել է Օժանդակ տարածքային ծառայություն՝ բրիտանական բանակի իգական դիվիզիա, Երկրորդ համաշխարհային պատերազմի վերջում ստացել է կրտսեր հրամանատարի կոչում։
1947 թվականին տեղի ունեցավ Էլիզաբեթի և Հունաստանի և Դանիայի արքայազն Ֆիլիպի հարսանիքը, ովքեր հրաժարվեցին բոլոր տիտղոսներից, ընդունեց բրիտանական քաղաքացիությունը և ստացաv Էդինբուրգի դուքսի կոչում։ Ամուսնության մեջ նրանք ունեցան չորս երեխա՝ Չարլզը` Ուելսի արքայազնը, արքայադուստր Աննան, արքայազն Էնդրյուն` Յորքի դուքսը և արքայազն Էդվարդը` Ուեսեքսի կոմսը:
1952 թվականին, հոր մահից հետո, Եղիսաբեթ II-ը դարձավ Մեծ Բրիտանիայի և Հյուսիսային Իռլանդիայի Միացյալ Թագավորության թագուհի, Համագործակցության 15 թագավորությունների կառավարիչ և բուն Համագործակցության ղեկավար, Անգլիկան եկեղեցու ղեկավար և Գերագույն գլխավոր հրամանատար։

Բրիտանական գահի իրավահաջորդության կարգի համաձայն՝ Մեծ Բրիտանիայի հաջորդ ղեկավարը կլինի նրա որդին՝ Չարլզը՝ Ուելսի արքայազնը։ Նա այս տարի դառնում է 74 տարեկան։