
Ադրբեջանն Իրանի դեսպանատան 4 աշխատակցի պերսոնա նոն գրատա է հայտարարել և պահանջել 2 օրում լքեն երկիրը
- Լուրեր
- 06․04․2023
Ադրբեջանում՝ Իրանի Իսլամական Հանրապետության արտակարգ և լիազոր դեսպան Սեյեդ Աբաս Մուսավիչը, կանչվել է երկրի արտաքին գործերի նախարարություն. այդ մասին գրում են ադրբեջանական ԶԼՄ-ները։
Հանդիպման ընթացքում խիստ դժգոհություն է արտահայտվել Իրանի դեսպանին՝ Ադրբեջանի նկատմամբ, վերջինիս կողմից իբրև թե ցուցաբերած սադրիչ գործողությունների պատճառով։
Իրանի դեսպանին ասվել է, որ դեսպանատան 4 աշխատակիցներ Ադրբեջանի կառավարության կողմից «պերսոնա նոն գրատա» են ճանաչվել «դիվանագիտական կարգավիճակին անհամատեղելի և դիվանագիտական հարաբերությունների մասին 1961 թվականի Վիեննայի կոնվենցիային հակասող գործունեության պատճառով»։
Ադրբեջանը պահանջել է, որ այդ անձինք 48 ժամվա ընթացքում լքեն Ադրբեջանի տարածքը: